ပြင်သစ်ဝန်ကြီး မြန်မာ ဒုက္ခသည်စခန်းသို့ သွားမည်

နယူးဒေလီ။ ။ ပြင်သစ် နိုင်ငံခြားရေးနှင့် လူ့အခွင့်အရေးဝန်ကြီး ရာမာရာဒီသည် ၃ ရက်ကြာ အလည်အပတ် ခရီးစဉ်အဖြစ် ထိုင်းနိုင်ငံသို့ ယနေ့ ရောက်လာပြီး၊ မြန်မာ့အရေး အပါအဝင် အခြားရပ်များ ဆွေးနွေးမည် ဖြစ်သည်။

မစ္စစ် ရာမာရာဒီ (Rama Yade) သည် ထိုင်းနိုင်ငံတွင် ၁၄ ရက်နေ့အထိ နေထိုင်ကာ ထိုင်းနိုင်ငံခြားရေးဝန်ကြီး ကဆစ် ဖိရူမ်း (Kasit Piromya) နှင့် တွေ့ဆုံ၍ ‘စီးပွားရေး၊ နိုင်ငံရေး၊ ယဉ်ကျေးမှုနှင့် မြန်မာနိုင်ငံတွင်း အခြေအနေများ အပါအဝင် ဒေသတွင်း ပြဿနာများကို ဆွေးနွေးမည်ဟု နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ၏ ကြေညာချက်တွင် ဖော်ပြထားခြင်း ဖြစ်သည်။

ပြင်သစ်ဝန်ကြီးသည် ထိုင်းနိုင်ငံမြောက်ပိုင်းရှိ မြန်မာဒုက္ခသည်များ ခိုလှုံရာ ဘန့်မိုင်နားဆွိုင် (Ban Mai Nai Soi) ဒုက္ခသည်စခန်းသို့ သွားရောက်ကာ ဆက်လက်၍ ကူညီနိုင်ရေးအတွက် အဓိက အလှူရှင်များနှင့် ထိုင်းနိုင်ငံအကြား ပူးပေါင်း ဆောင်ရွက်နိုင်ရေး ဆွေးနွေးသွားမည် ဖြစ်သည်။

ထိုင်းအစိုးရ တာဝန်ရှိသူများနှင့် လူသာချင်းစာနာမှု အကူအညီပေးသည့် ကိစ္စရပ်များကို ဆွေးနွေးမည့်အပြင် အဓမ္မလုပ်အားပေး စေခိုင်းခံရသူများ၊ လိင်ပိုင်းဆိုင်ရာ အမြတ်ထုတ် စော်ကားခံရသူများနှင့် အတင်းအကျပ် တောင်းရမ်းစေခိုင်း ခံရသူများဖြစ်သော ကလေးများနှင့် အမျိုးသမီးများ ထားရှိရာ ဘန်ကောက်မြို့ရှိ ဂေဟာတခုသို့လည်း သွားရောက်ကြည့်ရှုမည်။

ထို့ပြင် သူမသည် ထိုင်းနိုင်ငံမြောက်ပိုင်း ချင်းမိုင်မြို့ရှိ အေ့စ် (AIDS) ဝေဒနာသည်များအား အဓိက ပြုစုစောင့်ရှောက်နေသော ဆေးရုံသို့လည်း သွားရောက်ဦးမည်။ ထိုဆေးရုံသည် ပြင်သစ် သုတေသနနှင့် ဖွံ့ဖြိုးရေး ဌာနမှ HIV ဗိုင်းရပ်စ်ပိုး မိခင်မှ ကလေးသို့ ကူးစက်ခြင်းဆိုင်ရာ တားဆီးကာကွယ်ရေး သုတေသနစီမံကိန်း ပြုလုပ်နေရာ ဆေးရုံဖြစ်သည်။

ရာမာရာဒီသည် ထိုင်းနိုင်ငံ လူ့အခွင့်အရေး ကာကွယ်သူများနှင့် တွေ့ဆုံရန်လည်း စီစဉ်ထားသေးသည်။